Հարգելի գործընկերներ,

Ամանորի կախարդական շունչը մոտենում է, և այս տոնական շրջանի նախաշեմին մենք ցանկանում ենք ջերմորեն ողջունել ձեզ:
Հայաստանի ազգային պոլիտեխնիկական համալսարանը, իր ամուր ու համախմբված ընտանիքով, շարունակում է ապրել իր հաջողություններով՝ շնորհիվ յուրաքանչյուրիդ նվիրվածության և համատեղ ջանքերի:

Տոնական այս օրերին ուրախությամբ տեղեկացնում ենք, որ ՀԱՊՀ-ն կազմակերպում է Նախատոնական հանդիսավոր միջոցառում, որը հնարավորություն է տալիս համախմբվել մեկ հարկի տակ՝ ամփոփելու անցնող տարվա ձեռքբերումները և գնահատելու մեր աշխատակիցների ներդրումը համալսարանի շարունակական զարգացման գործում:

Սիրով սպասում ենք բոլորիդ՝ դեկտեմբերի 25-ին, ժամը 18:00-ին Հարսնաքար ռեստորանային համալիրում միասին կիսելու տոնական տրամադրությունն ու ջերմությունը:

Տոնական տրամադրությամբ,
Հայաստանի ազգային պոլիտեխնիկական համալսարան